انتشرت عمليات التجميل في العالم سواء للنساء او للرجال
ومنها الناجحه ومنها الفاشله
وعلى هذا الموضوع بقولكم حادثه صغيره صارتلي
...............................
كنت اعمل في اداره وانتقلت الى اداره اخرى
وبعد مضي سنتين تقريبا ذهبت الى ادارتي السابقة اسلم على زميلاتي
وانا قاعده في المكتب دخلت امرأه سلمت ورديت السلام واخذت
تلك المرأه ورقه من زميلتي وطلعت
سألت زميلتي هذه موظفه يديده؟
قالت من صجج؟
قلت اي اشفيج مستغربه من سؤالي؟
قالت هذه فلانه
قلت فلانه @@ شلون صارت جذي؟؟
جنها متغيره؟
قالت اي مسويه عمليات تجميل
قلت ماعرفتها وماسلمت عليها عدل
والله تغيرت %80
52 comments:
:)
الحين التجميل صار شي عادي ويومي
اذا تذكرون قبل 5 7 سنين الحريم كانوا يتقصون التحليل والتحريم فيها
بس الحين
عااااااادي
ويتروالي عطينا جم سنه وكلنا نعتبر هالشي حاله من حال مشوار الجمعيه
والجمال جمال الروح كما يقولون
أأيد كلام الأخت
what will be
في ان هالعمليات صارت عادي .. والقصد من عادي ان البنت ما عادت تستحي او تخجل انها قامت بواحدة او اكثر من هذه العمليات
في السابق لا تتجرأ البنت للقيام بعمليات التجميل لأن : فشلة .. عيب .. استحي .. شيقولون عني .. اخاف يتغامزون علي الناس .. غلط
بس الحين .. ماهمهم هالنظرة .. وعسى ما ايينا يوم تصير عملية التجميل وجاهة اجتماعية .. ومفخرة عند البنات .. يعني البنت تنظر حق غيرها اللي ما سوت عملية تجميل نظرة ازدراء !! :)
ياي بالطريج هاليوم
.......................
هذا موضوع .. وفي موضوع ثاني حبيت اضيفة في خصوص عمليات التجميل .. بعض البنات اصحاب الخشم الكبير او الأحدب او الخنفروشي اذا صح التعبير .. يعتقدون بعد تجميل خشومهم بالعملية وبعد ما ينقلب الخشم الى "سلة سيف" مثل ما نقول او "الأنف الانكليزي" كما يـُـوصف .. ان ابنائهم بعد الانجاب سيحصلون على نفس الخشم الرشيق الجميل !! ونسوا أن الأمر متعلق بجيناتهم الوراثية وأن جيناتهم الوراثية على الرغم من تعديل شكل الأنف بواسطة عملية جراحية الا انها لازالت -واقصد الجينات- جينات الخشم البالوني او الخنفروشي مو سلة السيف :)
الله يزيدنا عقل
What Will Be , Will Be ..
الحمد لله الذي احسن خلقي
اللهم احسن خلقي كما احسنت خلقي
صح كلامج الجمال جمال الروح
Abdullah
يمكن باجر يطلع علم
يغير الجينات
ويصيرون لاوادم
كلهم حلوين
:)))
حياك الله اخي عبدالله
مساالملائكه لأحلى ملوكه
دايما تبدعين وتطلعين بمواضيع فلته ،ومثل
هالموضوع ترى صار كأنه شربت ماى
الوحده او الواحد يروح يسوى عملية التجميل جنه مسوى أشعه على ضرسه اللى يعوره
وهذا صار شى نشوفه كل وقت وكل حين
اليوم نشوف شخص وبعد دقايق نشوفه بصوره غير
شنقول ياملوكه الله يثبت لنا عقولنا آميييييين
دمت يالملاك
:)))))))))))))))
انا اعتقد
ان الامر طبيعي جدا جدا
وانا شخصيا ماعتقد ان في اي مانع لاجراء عمليات التجمييل
فراوله
اهلا اهلا
باجر في بيوتنا نسوي العمليه
:)
حياج الله
TReSTeN
انا معاك
اذا الشخص محتاج عمليه
ليش لا
حياك الله
إذا كانت العملية تحسن المظهر وتحسن النفسية من شي مأزمنا
ليش لأ
ياحلو خلقة ربي
--
من وجهة نظري اشوف ان عمليات التجميل للترقيع والناس اللي صج تحتاجها
مثال : ناس محترقه .. ناس صار لهم حادث ..ألخ
بس اللي مافيهم شي ؟!؟ ومايحتاجونها
ليش يهولون بروحهم ؟
كادي
والله صح كلامج
اذا الشخص فيه عيب ليش لا
ReLaaaX
حياج الله
.........
اي طبعا
الاشخاص اللي تعرضوا لمثل هذه الحوادث
اهما الاولى لاجراءهذه العمليات
المشكلة إن عمليات التجميل صارت مثل أرقام الموبايل، كل شوية وإلا مغيريين الرقم، وتعال احفظ وتعود على الرقم اليديد
كلو صناعي الله يرحم الطبيعي و ايامه ..حبيت اشكرك على مرورك عندي و على فكره انا استغفرت بس انتي مخدتيش بالك و انا مقصدتش المعنى الحرفي للكلام و شكرا على مرورك
عمليات التجميل صارت مثل شرب الماي
كل شوي تلقين وحده مسوية بعمرها شي
صرنا نمشي بالشوارع ونطالع الكل نافخ شفايفه وعنده خدوود
يعني الناس كلها صارت متشابهه
عمليات التجميل ينطبق عليها العبارة القائلة:(أنا لا أكذب ولكني أتجمل)... أنا أوقل وأصر على أن الجمال جمال الروح.. وإن كان لا بد من عملية فعند الضرورة القصوى وبس... ولا إذا بيستمر الوضع على ما هو عليه لازم الواحد يطلب ورقة كفالة مع البنت إلي يبي يتزوجها علشان يظمن إن كل شي أصلي مو تقليد:)
في نوعين من عملات التجميل
الترميم من الزمن
يعني بوتكس
جفن طايح
تجاعين
أو كي
بس عاااد إللي يشيل خشم كبه و يحطله خشم مايكل جاكسن
و إلا براطم أنجلينا جولي
أنا ضد ضد ضد هالفكرة
لوووووووووعه
و خصوصا عملات بو تشييبووووه
بو رخوووص
إللي علي أبو بيوفرون
يهولون بعمارهم
-----
ممكن بالإيميل تقوللي شوجير وينها؟
أحب أتواصل وياها و أقرا لها
إذا ممكن
و إذا لأ
طنشي سؤالي هذا
;)
عمليه و بنج
وو تغيير خالق الله
لااااا اخاف
بسسسسسسسس حاطه في بالي بقز ابر ميزوثاربي اذا كبرت
بشششششششد ويهي
ما اقدر اتبين تجاعيد عيوني
اتأزم نفسيا
انهم يغيرون خلق الله
مرحباااا ملاك..
انا مع كل اللي قال ان عمليات التجميل مافيها شي وعادي بس اذا دعت الضروره لذلك..
شلون؟؟
الحين عندنا كثير من الناس مصابين بتشوهات جلديه او خلقيه.. تلاقين الدكاتره يسوون لهم عمليات تجميل من صغرهم..
او الكبير لما يتعرض لحادث ويحتاج لعملية تجميل .. هم بعد مافيه مانع عادي..
بس المشكله من اللي يبي عملية التجميل بس عشان يغير من شكله..
هذه بأعتقادي انا انه عنده نقص ثقه بنفسه..
يحاول يقلد كل شي يشوفه..
ويحاول يتشبه بغيره..
المفروض الانسان السوي الخلقه يحمد ربه على النعمه اللي اهو فيها..
ومايتعبث بخلقة ربه بس عشان يكون احلى..
لأن عمر الأنسان ماصار الجمال مقياس لحلاته..
الطبايع والمعامله والتفكير والقيم والمبادئ اللي يمشي عليها اهي اللي تخلي الانسان حلو بنظر غيره ولا لأ..
وشكرآ ملووووووكه على هالموضوع :)
والله يا ملاك ينو وقعدو هالاوادم
انا مع العمليات التجميل الى لللاحسن
فى حالات تحتاج
بس بنات صغار ما فيهم شى بعز شبابهم ليش التجميل ما فيج شى!!
مثل وحده معانا بالدوام
فجأه البنت عباة ونقاب هو عسى ماشر
واهى كلش مو صوب النقاب
من اول موديل عباة مخصره وفل ميك اب واساس طبقات وكحل وتلطخ
مو اشباها نقاااب
استغفر الله تقول اى الله هدانى
والنهايه طلعت مسويه عملية تجميل وافشلت وويهاا يقولج معااره
يعنى ماله ملامح
يعنى مأساااة
تنقبت وفتكت على عمرها!
بالله جذى زين؟؟
Fahad Al Askr
لا وكل يوم العمليه يقصر وقتها
اول بالايام الحين بالدقايق
مشكور
وحياك الله
انتظار مؤقت
اي خلاص زمان اول راح
حياك الله
بنت الكويت
تصدقين؟
يقولون الحين تاخذين صوره
وتقولين ابي اصير شبهها
استغفر الله
يسوييج شبهها
:)
بوغازي
:)
الكفاله صورها من وهيا بالمهاد
لي الوقت اللي بياخذها
والبنت بعد تبي كفاله
الحين الرجل يلجأ
للتجميل كثر المرأه
مشكور على المرور
Яeema
افأ انا اطنشج !!!!!؟
ماعاش من يطنش
ريما
الايميل راح يوصلج قريبا
......
اما الترميم انا معاه %100
:))))
عاد من هالبورخوص
احذي وشكي تشوفينهم بمسلسلاتنا
اللهم لاشماته
يكافيننا الشر
هاللي يغيرون خشومهم 180درجه
احسن يشينون مايزينون
الحمد لله على كل حال
حياج الله حبيبتي
lawyer
صح كلامج
انا معاج الواحد يحب يتشبب
حياج الله
الطائر الحزين
انا ضد تغيير خلقة الله
الا للحاجه
امبراطـــورة اشعاري
انتي اللي مشكوره على هالتعليق
الثري بضمونه
وكل كلمه قلتيها عدله
حياج الله
charisma
مسكينه
:(((
اي والله يهولون بعمرهم واهما مو محتاجيين :((
الله يهديننا ويهديهم
حياج الله
الانسان لازم يكون قانع بخلقه ربه سبحانه ..
ان الله جميل يحب الجمال و ما اتوقع اذا غيرت شكلي بصير احلى من ما صورني ربي
و من جانب ثاني .. كل شي الله سبحانه خلقه بقدر ... لو مثلا خشمي كبير و الا شي يمكن لي صغرته بسويلي مشاكل بالتنفس ف ليش اييب المصايب لروحي :/
ة شكرا على تسليط الضوء على هالموضوع اللي صاير شبه ظاهره :)
الزين زين لو قعد من منامه ..!! والشين شين لو غسل بصابون ..!!؟
أن أحب الأصل وخلقة رب العالمين ..!! ولا أحب التقليد والتغيير والتجميل ..!!؟
الحين صار الشخص يفتخر إذا سوى عملية تجميل
يعني عندنا بالجامعة الأغلبية حاطين لزقات على خشمهم دليل انه هم مسويين عملية حق خشمهم
وشكثر بنات حاطين غمازات منهم اللي صار شكلها احلا ومنهم اللي صار شكلها يضحك !
وحتى الشفايف
صار هالشي حده عاادي
اى والله التجميل صاير موضه هالوقت
يعني اي وحده بتغير بشكلها تسوي تجميل انزين ليش وشحقه مادرى
يعني تغيير بخلقت ربنا حرام
عيل شخليتوا حق اللى فيه عاهه او متشوه
لاحول ولاقوة الا بالله
وبعدين هالعمليات كلها مضار بالمستقبل
هههههاى
يقولى واحد عندنا بالدوام ما شفت نانسى عجرم قتله امبله شفيها
جان يقولى لا اللى عندنا بالدوام والا وحدة الاخت عافسة ويها بتسويه نفس نانسى المشكلة لى الحين ما شفتها ولا ابى اشوفها
صج الحمدالله والشكر
انا اعتبر الموضوع شي عادي في الزمن
وكل واحد حر بنفسه
عمليات التجميل
لها مزايا وعيوب بنفس الوقت
واستغرب ان اللي يخضعون لعمليات تجميل
تتغير حتى شخصياتهم بعد العمليه
كان هذا رايي
انا مع عمليات تجميل الاسنان والحروق والسمنه
بس
الباجي احس ماله داعي
خشم عوي والا عمليات تكبير الصدر والخدود والشفايف
هذا كله ماله داعي
:)
Shather
من ناحية الاضرتر الجانيه يقولون
اذا سووا عمليه بشفايفهم
يكافيننا الشر
يصير ورم بالمعده
واذا سووا بخشمهم يصير ورم في مكان ثاني
ف على قولة المثل مالك الا خشمك لو كان
عوي
حياج الله اخت شذر
2 u ALL
لو شيرقعون ويسوون الطبيعي احلى
حياك الله
SHAHAD
انا ضد هذيلا اللي
يتفخون شفايفهم ويحطون غمازات
لا واشكره بعد
حياج الله
Shaima'a Alkandari
وحده فاضيه تمر دكتور تجميل
مافيها شي
تقوله غير ملامحي !!!!!!!!!! ملت
من شكلها!! الله يهديهم
حياج الله
Mishari
:))))))))
اقولكم يودون صورة اي ممثله
ويقولون حق الدكتور
سوني شبهها!!!! نانسي عجرم
و1000توأم وراها
:))))))
انا بودى صورتى عيل :P
واقوله ابيك تسوينى نفس هالمزيون :PPP
مجرّد... أنثى
اكيد كل واحد حر بنفسه
والموضوع عادي بس ودنا نعرف اراء بعض
:)
حياج الله
dont play boy
اكيد بتتغير الشخصيه
شخصيه اللي حاس انه موحلو
بيصير مو واثق من نفسه كثر
اللي حاس انه حلو ومافيه عيب
خوش راي
MANAF
انا معاك التجميل
للشخص المحتاج فقط
حياك الله
Mishari
:)
مساج الله بالخير اختي ملاك
اذا راده على الحريم... مقبولة
لكن انا مو متقبل ان رجل يسوي هالعمليات...ما تنبلع
دمت سالمة
عثماني
الا للحاجه
انا معاك
....
شوف الممثلين ليشيبوا شدوا ويوههم
استغفر الله
مبارك عليكم الشهر
و كل عام و أنت بخير
أرق التحايا
عبدالله
:)
Post a Comment